Helge Hafsås med sin 9. siger på Bergen maraton på laurdag

Nedteljinga mot Helge sin maratonsiger nr.100 har no starta for alvor. Sigeren på Bergen maraton 24 mars var nr. 97 i rekkja. Med tida 2.36.57 var han vel 15 min føre nr. 2 i løpet. Dette er 7 sek. raskare enn hans eiga vinnartid på Bergen maraton i fjor.

Helge har dermed allereie gått til topps på 3 maratonløp så langt i år. Går alt etter planen vil han nå historiske 100 sigrar i løpet av sommaren. Uansett, når det skjer vil Olden IL syte for ei skikkeleg markering av denne idrettshistoriske hendinga.