Skarsteinsetra Opp  

Skarsteinsetra Opp er ein motbakkekonkurranse som vart arrangert første gang i 2011. Her startar løpar og syklist samtidig i Olden sentrum og konkurrerer om å kome først opp til Skarsteinsetra. Dette gjev mange spennande duellar mellom desse. Trimklassen har rom for alle og det er mange som går med barnevogn. Trimklassen har god deltaking, og dette bidreg til feststemning i målområdet. Målgang er på idylliske Skarsteinsetra, som kan skilte med ei av dei finaste utsiktene i området. Det har vore aukande deltaking kvart år og det satsast friskt for å stadig forbedre arrangementet. 

 

 

Løypetraséen 

Løypa er 4,6km med ein høgdeskilnad på 400m. Starten er i Olden sentrum. Deretter går løypa omlag 2km på asfalt. Dei resterande 2,6km er på grusveg og skogsveg. Det er spurtpris i Skarsteinstunet etter 1,2km og mellomtid på Gildestad etter 2,km. Løypa er godt merka og kjent for sine mange og underhaldande sponsorskilt. Sponsorane kjøper motbakkar og navngir desse. 

Praktisk informasjon 

https://www.facebook.com/SkarsteinsetraOpp/ 

 

Påmelding 
  
Påmelding konkurranseklassar via skjema under fana påmeldingskjema. 
 
Startkontingent til Olden IL, kontonr 3770 20 32211:  
Konkurranse kr 250 ved førehandspåmelding. G/J 13-14 år kr 100. Familie kr 350. 
Etteranmelding for kr 100 i tillegg, seinast 1 time før start. 
Trimklasse : kr 100. Familie kr 250 Påmelding ved start. 
 
NB! Lisens: Forsikringsordning. Alle som ikkje har betalt heilårslisens til Norges friidrettsforbund/Norges Cykkelforbund må betale eingongslisens i tillegg til startkontingenten.  
Eingongslisens Løp kr. 30,-. Eingongslisens Sykkel kr. 150,-. Betalast saman med startkontingenten til Olden IL. 
 
Startnummer hentast i startområdet. 

Klassar og premiering 

J/G: 13-14år (kun løp) (desse to klassane startar før resten av klassane) 
D/H: 15-16år (kun løp), 17-19år, 20-29år, 30-39år, 40-49år, 50-59år, 60-69år, 70+ 
Trimklasse 

 

Konkurranseklassen blir rikt premiert, både med pokalar i kvar klasse, pengepremiar for spurtvinnarar, rekordar og totalvinnarar. Det er i tillegg deltakarmedalje til alle, samt uttrekkspremiar på startnummer. 

Sosialt 

På setrevollen er det kiosksal i telt. Undervegs heng det spennande poser i trærne med noko godt til barna.  

 

På kveldstid er det uformell samling på Yris Kafe med mulighet for god mat og drikke, samt visning av bilder frå dagens arrangement. 

 

Levert av IdrettenOnline