Tre førsteplasser til Melheim og Olden på Tyrvingleikane

Tyrvingleikane som vart arrangert på Nadderud stadion i Bærum i helga er det desidert største friidrettsstemnet i Norge med ca. 1700 deltakarar. Mathias Melheim vann her både kule og diskos i klasse 17 år. Resultatet 49.12 i diskos er ny pers med over 2,5 m og det nest beste resultatet i Norge så langt i år. I kule vart det 14.13 m, eit stykke bak persen på 15.59, men likevel eit godt resultat. Broren Steffen Melheim er også eit stort kasttalent. Han vann klart diskos i klasse 13 år med det flotte resultatet 34.08. I kule vart det andre plass. Med lengda 12.32 mangla han berre 7 cm på å vinne også denne øvinga. Begge resultata er nye fine personlege rekordar. Olden IL gratulerer begge dei gode kastarane våre med kjempeflotte resultat !