Birger Fagerli vart klar vinnar av Olden IL sin fjelltrim 2008. Han oppnådde heile 1328 poeng. Han hadde bl.a. 248 turar på Skarsteinsetra. Også Jan Høgalmen og Anne Berit Bjørdal kom over 1000 poeng. Folk har trimma som aldri før og registreringane viser ein auke i høve til 2007 på heile 50 %. Skarsteinsetra er elles den mest besøkte posten med 2414 registreringar. Sjå årsmelding og resultat !

Laurdag tok Helge Hafsås ikkje uventa sin 1 NM-tittel nokon gong. Han vann 100 km i Bergen med over 19 min til nestemann. Vi kjem tilbake med meir stoff seinare

5. oktober avslutta Olden og Vikane friidrettssesongen ved å samarbeide om å avvikle lagsmeisterskap på Byrkjelo. Kjøleg og etter kvart dårleg ver la ikkje nokon dempar på aktiviteten. Vi let oss imponere av stor innsatsvilje blant dei som stilte til start. Utøvarane fekk prøve seg på 60m, 400m, 600m, lengde, høgde,liten ball, spyd og diskos. Det var noko skuffande at kun 11 frå Olden stilte til start. Noko av årsaka til manglande oppslutning skuldast nok sjukdom og haustferie. Elles viser det seg gong på gong at vi får større oppslutning på dei arrangementa vi kan gjennomføre heime i Olden. Ei utbyggjing av eit mindre friidrettsanlegg må derfor vere ei høgt prioritert oppgåve for idrettslaget.

Trass i til dels dårlege forhold, vart det oppnådd mange fine resultat og sett fleire personlege rekordar. På ny var det Anders Muri (15) som imponerte aller mest. 7,4 på 60m i kjøleg ver og 1,46 m/sek motvind er ein svært sterk prestasjon. Mykje tyder på at dette er det beste baneresultatet på 60m av ein oldar nokon gong uansett klasse. Anders sprang og, tilhøva teke i betraktning, ein god 400m på 56,9.

Resultater

Laurdag er det klart for det første offisielle NM på 100 km. Løpet vert avvikla i Fana ved Bergen. Sjølv om Helge Hafsås har vore mykje plaga av belastningsskade denne sesongen, må han likevel finne seg i å stille som favoritt. Han har sjølv den offisielle bestenoteringa på distansen med 6.50.15 i Bergen i 2006. I fjor vann han 100 km under Bergen Ultra på 7.07.33. Spørsmålet er om forma er god nok til slike tider akkurat no, men vi har likevel tru på at Helge har god sjanse til å sikre seg sin første offisielle NM-tittel.

Klubben Online er et hjemmeside-verktøy levert av n3sport. Løsningen er utviklet i samarbeid med Norges Idrettsforbund og norske særforbund.

Du som er ansvarlig for denne løsningen må logge deg på i verktøykassa i venstre meny for å legge ut nyheter på siden. Der kan du også slette denne "startnyheten". Passord og bruker har du mottatt på mail fra n3sport.

Ditt Klubben Online X-abonnement gir klubben:

• Egen hjemmeside på internett, tilgjengelig for alle klubbmedlemmer.
• Informasjon fra krets og forbund samt terminlister, resultater og tabeller.
• Medlemsregister som er lett tilgjengelig for de tillitsvalgte, oversiktlig og enkelt å vedlikeholde.
• Diskusjonsside hvor alle kan si sin mening om det som skjer i klubben.
• Arkiv for dokumenter og bilder.
• Aktivitetskalender med egne aktiviteter som f eks treninger, møter etc.
• Mulighet til å sende SMS fra hjemmesiden.

Du kan også få spesialutviklet et eget design for hjemmesiden din. Ta kontakt med n3sport for mer informasjon om dette.

Link til brukerveiledning for Klubben Online X

Kontakt n3sport as
Du når oss på e-post: post@n3sport.no eller telefon: 48 100 800.
Du får også mer informasjon om Klubben Online på http://idrett.speaker.no.

Olden stilte med heile 14 deltakarar på friidrettsstemnet på Byrkjelo sist søndag. 10 deltok på DM for Nordfjord og 4 var med på regionsleikar for 9/10-åringar. Oldarane tok i alt 18 medljar, 7 gull, 7 sølv og 4 bronse. Flott innsats! Anders Muri (15) oppnådde nok ein gong dei beste resultata med 12.05 på 100m og 5.57 i lengde. Dei andre som tok gull var Johnny Myklebust (16) i kule og på 100m, Ole Myklebust (15) i kule, Sondre Guddal Muri (15) på 800m og stafettlaget på 4x100m (15-18 år). På stafettlaget deltok Sondre Guddal Muri, Johnny Myklebust, Ole Myklebust og Anders Muri.

Medaljeoversikt DM :

G11 : Lars Marius Kveen Gjertsen : Sølv i høgde og i kule

G12 : Are A. Tenden : bronse på 600m

J14 : Janne Alsaker : sølv på 60m

       Therese Tenden : bronse på 60m og i lengde

G15 : Anders Muri : Gull i lengde og på 100m, bronse i kule

        Ole Myklebust : Gull i kule, sølv på 100m

        Sondre Guddal Muri : Gull på 800m, Sølv på 100m, i lengde og i spyd

G16 : Johnny Myklebust : Gull i kule og på 100m.

Stafett : Gull på 4 x 100m i klasse 15-18 år

        (Sondre Guddal Muri, Johnny Myklebust, Ole Myklebust og Anders Muri)

Det må vere svært lengde sidan Olden har stilt lag på ein 4x100m stafett. Vi har ikkje funne noko registrert tid, så mykje kan tyde på at tida 51.13 er lagsrekord for Olden IL.

Dei 4 som deltok på regionsleikane var Jens Guddal Muri (9) og 10-åringane Mons Eirik Vangberg, Odd Sindre Tonning og Sondre Ljosdal Galtung. Alle leverte flott innsats og sette fleire personlege rekordar. Sondre fekk delt 1. plass i lengde med 3,32. Odd Sindre vart nr. 2 på 60m med tida 10.52

Anders Muri fikk bronse i lengde 2 cm fra sølvplass!

Resultater lengde

Resultater 100 m

Resultater 3 steg

Alle resultater finner du her!

Hjemmesiden til UM 2008

Kun  3 frå Olden IL prøvde seg på tid i Skåla opp på laurdag. Sondre Guddal Muri som berre er 15 år stilte opp i klasse 16-17 år og kom inn på den gode tida 1.48.15. Det heldt til ein 8. plass i klassa. I klasse 35-39 år vart Roar Alsaker nr. 15 av dei 72 som fullførde. Tida 1.34.54 var noko betre enn i fjor. I klasse 50-54 år, greidde Hans-Petter Galtung såvidt å kare seg under 2 timars grensa med 1.59.29

Resultater

Friidrettstreninga startar opp igjen måndag 18. august kl. 18.30 på Alda stadion. Det vil bli trening kvar måndag utover hausten.

I sterk varme tok Helge Hafsås sin 111 maratonsiger totalt då han sist laurdag vann Hornindalsvatnet maraton.Tida 2.46.08 må seiast å vere bra  under slike temperaturforhold. Nr 2. i løpet kom i mål over 19 min. bak. Einar Strand vann klasse 50-54 år på halvmaraton med tida 1.35.33.

Laurdag 26. juli vert Hornindalsvatnet maraton arrangert for 17. gong. Helge Hafsås debuterte på maratondistansen her i 1994. Han har vunne maraton 12 gongar og halvmaraton 2 gongar. I fjor måtte han imidlertid finne seg i å bli slått av Robert Gulbrandsen. Kan Helge ta sin 13 maratonsiger i Honndalen i år?Einar Strand stiller til start på halvmaraton i klasse 50-54 år.

NM på maraton var i år lagt inn i Jølster maraton som vart avvikla sist laurdag. Trass i problem med overbelasta muskulatur greidde Hafsås å bli nr. 4 totalt og dessutan vinne klasse 40-44 år. Tida 2.47.27 er årsbeste og må seiast å vere eit steg i rett retning sidan det var veldig varmt for maratonløp denne laurdagen. Vinnar vart Henrik Sandstad, Steinkjer med 2.28.36. Einar Strand vann halvmaraton i klasse 50-54 år på tida 1.35.22.

Som vanleg tok Helge leiinga frå start, men måtte sleppe etter ca. 5 km. Han passerte halvmaraton på ca. 1.20. Det var lenge usikkert om kongen av Jølster maraton, med heile 10 sigrar, i det heile teke kunne stille opp denne gongen. Men som den pliktoppfyllande løparen Helge er, fann han ut at han ikkje kunne svikte når NM skulle gå nesten på heimebane.

I kvinneklassa vart det gull til Sogn og Fjordane. Audhild Hestad frå Gaular kom for første gong under 3 timar og vann på tida 2.57.25

Sparebankleikane 2008 vart eit kvalitetsstemne både med omsyn til resultat og arrangement. Frå Olden hadde vi med 6 deltakarar. Vår fremste utøvar, Anders Muri valde fornuftig nok å stå over denne helga. Han kjende seg ikkje 100 % etter den harde helga på Lillehammer og fotballskule sist veke.

Dei andre oldarane greidde seg imidlertid fint i den harde konkurransen. Sondre Guddal Muri (15) vann 800m, vart nr. 2 på 100m og nr. 3 i lengde og spyd. I spyd manglar han framleis vel ein meter på å kvalifisere seg til ungdomsmeisterskapen i slutten av august. Knut Alsaker (15) oppnådde si beste plassering på 100m med ein 3. plass. Både Sondre og Knut sette fine nye personlege rekordar på 100m. I 10- års klassa fekk Jens Guddal Muri (9) ein fin 3. plass i høgde.

Dei 3 andre frå Olden, Rasmus E. Skarstein,(11) Are A. Tenden (12) og Anders Egset (12) sette og fine personlege rekordar i stemnet. Det var fine tilhøve på Byrkjelo begge dagane.

Elles kan vi nemne at Hans-Petter Galtung, Olden saman med fleire andre var oppe til praktisk eksamen som krinsstartar på Byrkjelo denne helga. Alle 3 som var oppe bestod eksamen. Dei to andre var Håkon Løseth, Førde og Arne Klakegg, Fjellhug/Vereide.

For resultat, sjå www.sffik.no

Det er mange som har blitt imponert av Anders Muri sine prestasjonar på Lillehammer sist helg. Tida hans på 200m, 24.11, er faktisk den nest beste tida ein 15-åring frå Sogn og Fjordane nokon gong har oppnådd. Berre den sterke sprintaren Ørjan Midthjell frå Fjellhug/Vereide har nokon gong sprunge distansen raskare som 15-åring. Han er no blant dei aller beste 16- åringane i Norge både på 100m og 200m. Så vidt vi veit har heller ingen frå Olden (heller ikkje seniorar) sprunge ein så rask 100m med elektronisk tidtaking (11.66) som Anders, med eller utan vind.

Anders Muri kunne innkassere sitt 2.gull under Veidekkeleikane på Stampesletta i dag. Han hadde den beste tida også i forsøket med 11.85. I finalen vart det 11.66. Dette var 4/100 betre enn Andreas H. Kristiansen frå Lørenskog. Medvinden var imidlertid for sterk (+3,6) til at tida kan godkjennast som personleg rekord. Uansett ei kraftig forbetring av persen også på denne distansen.

Flere bilder finner du her

Totalt denne helga står då Anders med 1. plass på 200m og 100m, 2. plass på 400m og 5. plass i lengde. Vi gratulerer med fantastiske prestasjonar.

Sondre Guddal Muri deltok i dag på 800m. Tida 2.18.22 var ny pers. og heldt til ein 19.plass. Sondre er nok mest fornøgd med finaleplassen i lengde der han greidde ein flott 7. plass.

Vi kjem tilbake med meir stoff og bilete seinare

I dag har vi to oldarar i aksjon på Lillehammer. Anders Muri skal prøve seg på 400m og i lengde. Sondre Guddal Muri deltek  i lengde og spyd. Stemnet held fram på søndag. Då er våre påmelde på 100m og 800m. Sidan 800m går før 100m, er det nok tvilsomt at dei stiller til start på denne distansen.

Resultater 400m

Resultater lengde.

Anders Muri følgde opp innsatsen på 200m frå i går med å ta ein sterk 2. plass på 400m i dag. Tida vart så god som 54.02, ei personleg rekordforbetring med 4,6 sek. Vinnaren, Martin Haddal Sæther, frå Dimna IL hadde 53.32. Sæther vart i går nr. 7 på 200m, eit godt stykke bak Anders. Vi kjem tilbake med resultata frå spyd og lengde så snart dei ligg føre.

Både Anders Muri og Sondre Guddal Muri kom til finalen i lengde i G15 under Veidekke-leikane på Lillehammer. Sondre fekk ein flott 7.plass med resultatet 5.11, som er klar pers. Anders hoppa 5.50 og vart nr. 5, men med med betre planke i nest siste hoppet hadde nok ei plassering blant dei 3 beste vore i boks. Dessutan, ein knallhard 400m like før lengdekonkurransen, er ikkje nett den beste oppladninga. Men akkurat i dag var det 400m som var prioritert.

Sondre kasta ca. 37.50 i spyd (600 gr.). Dette heldt ikkje til finaleplass denne gongen.Det har blitt lite spydtrening i år, men vi trur at med litt finpuss skal Sondre ha kvalifiseringskravet til ungdomsmeisterskapen på 39m innan rekkevidde.

Resultater finner du her

Anders Muri gjekk heilt til topps på 200m under Veidekke-leikane på Lillehammer i kveld. I det seeda heatet vann Anders på tida 24.11. På dei neste plassane følgde Håkon Morken, Lillehammer IF med 24.19 og Øystein Rødsjø, Selsbakk IF, med 24.27. Anders har vore nær på i mange større stemne dei siste to åra, men i kveld lukkast han fullt ut og gjekk heilt til topps. Olden IL gratulerer Anders med fantastisk flott innsats. Han er den første frå Olden IL som går heilt til topps i dette store stemnet på Lillehammer som samlar dei beste frå heile landet.

Resultater 200m

Anders viste på nytt at han er veldig god når det gjeld som mest. Under Førdeleikane forrige helg vann han 200m poå 24.75. Denne personlege bestenoteringa vart no forbetra med heile 64/100. Forrige sesong var han ikkje under 26.00 på 200m. Rødsjø på 3. plass er den same som "lurte" Anders for sigeren på 60m i fjor. Tida 24.11 er elles den beste elektroniske tida som er oppnådd av ein oldar nokon gong på 200m uansett alder. Omrekna til manuell tidtaking er dette omlag ei tangering av Sverre Kirtkhorn sin manuelle lagsrekord på 23.9. På sprintdistansane er nemleg omrekningsfaktoren mellom elektronisk og manuell tidtaking 0,2.

Vi kjem tilbake med meir stoff frå stemnet seinare. Olden IL stiller med to deltakarar på Lillehammer, begge i klasse 15 år. Anders Muri stiller også til start i desse øvingane : 100m, 400m, 800m og lengde. Sondre Guddal Muri skal prøve seg  på 100m, 800m, leingde og spyd. Sondre har tidlegare hevda seg best i spyd, men har denne sesongen også vist fin framgang i løpsøvingane.

Her er det berre å følgje med. Vi skal prøve å oppdatere heimesida utover i helga.

Det vart ein stor dag for Helge Hafsås og for Olden på Breimstafetten søndag. Helge vart som første oldar nokon gong tildelt den gjeve Breimstafettmedaljen. Dette er ei utmerking som heng svært høgt. I opa klasse tok Olden ein suveren siger 14 sek. føre Breimsbygda. Seks lag stilte i denne klassen. I veteranklassa vart Florø for sterke også i år. Olden sitt lag sprang 7. sek raskare enn i fjor og tok ein klar 2. plass knappe 9 sek. bak Florø. I guteklassa stilte vi i år eit svært ungt lag, som måtte ta til takke med 11 og siste plass. Men desse gutane kjem nok langt sterkare tilbake allereie neste år.

Bilder

Reglane for opa klasse tilseier at det skal vere minimum 2 av kvart kjønn på laget. Olden heldt heile tida godt følgje med teten. Ved siste veksling var vi nr. 2 bak Breimsbygda, men med Anders Muri på ankeretappen, var det ikkje tvil om kvar sigeren ville hamne. Desse sprang på vinnarlaget : Knut Alsaker, Lillian Eide, Sondre Guddal Muri, Ole Myklebust, Hildegunn Mykløen og Anders Muri.

Les meir på Kondis.no

Søndag er det klart for ein ny Breimstafett. Olden stiller med  lag i 3 klassar : gutar,veteran og open klasse. Dei ny-konfirmerte 15-åringane våre er no blitt for gamle for gutestafetten og får dermed ikkje høve til å vere med å forsvare sigeren frå i fjor. Desse stiller i staden lag i open klasse saman med to 16-årige jenter. Gutelaget vårt er i år veldig ungt og må nok vente eit par år før det kan kjempe i teten. Veteranlaget, som har vunne fleire gongar på Breim, burde imidlertid ha kapasitet til å vere med å kjempe om ei topp-plassering.

I løpet av april månad har heimesida til Olden IL hatt 1604 treff. Dette er ny månadsrekord. Den forrige var frå september 2007.

Det vart ein stor stafettdag i Olden på søndag. Veret var flott og løypene tørre og fine. Det som først og fremst vil bli hugsa er nok det knallharde oppgjeret i guteklassa mellom Førde, Olden og Jølster og Andre Opheim sin flotte apell med avsluttande stafettstev.

Olden har lenge hatt som mål å vinne gutestafetten på heimebane. Draumen var å slå Jølster som hadde vunne dei 9 siste åra. Vi klarte Jølster, men det mangla nokre få cm. på at draumen om siger skulle gå i oppfylling. Ved siste veksling var Olden nr.3, eit godt stykke bak Jølster og Førde. Anders Muri leverte ei fantastisk opphenting, passerte Jølster ca. 30m før mål og med ein sugande sluttspurt kom han nesten ajour med Førde sin ankermann Torstein Frøholm. Hadde stafetten berre vore ein meter lenger, trur vi Olden hadde vore først. Det var lenge usikkert kven som hadde vunne, men måldommarane var einige om at Førde hadde dei nødvendige centimeterane på si side. Førde tok dermed sin første siger i gutestafetten sidan 1966. Olden vann sist i 1973, men kanskje neste år ....  Sjølv om Førde var 3,5 sek. bak Jølster sin løyperekord frå i fjor, har nivået på dei beste laga aldri vore høgare sidan omlegginga frå 10 til 5 etappar. Dei 5 frå Olden som nesten vann Oldestafetten var : Ole Myklebust, Rasmus Skarstein, Sondre Guddal Muri, Odd Sindre Tonning og Anders Muri.

I gutestafetten deltok 14 lag som er det meste sidan jubileet i 2004. Olden 2 vart nr. 7. Tida 6.25 er den beste tida eit 2. lag frå Olden har oppnådd. Olden 3 vart nr. 13.

Førde gjekk og til topps i jenteklassa føre Jølster og Hyen. Olden 2 vart her nr. 3 på ei tid som er betre enn på lenge. Olden 1 vart nr. 6 av 7 lag.

GFIL 1 vann herrestafetten føre Jølster.

I veteran var Markane i år sterkare enn oldarane. Sjølv om Asbjørn Gjerde hadde vore på Olden sitt lag, trur vi det hadde vore vanskeleg å hamle opp med Markane denne gongen.

Blant damene var GFIL, Hyen raskast. Markane og Olden springers deltok her i open klasse. Oldedamene leverte flott innsats, men måtte konstatere at Markane var 4 sek. føre i mål.

Totalt deltok 29 lag i den 54. Oldestafetten. På ministafetten deltok 5 lag. På hovudstafetten hadde Olden med heile 7 lag. Stafetten viste at Olden IL for tida både har topp og breidde innafor friidretten.

Resultater

Noen bilder

Søndag går den 54. Oldestafetten. Så langt er 30 lag påmelde i den ordinære stafetten. Dette er det same som i fjorårets stafett.  På ministafetten er det påmelding på søndag. Best påmelding er det i klassa for gutar med 14 lag. Elles er det påmeldt 7 jentelag, 3 damelag (derav 2 i open klasse), 3 herrelag og 3 veteranlag.

Laurdag vann Helge Hafsås maratonløpet Rett Vest i Florø for 9. gong. Dette var hans tredje maratonsiger i år og han er dermed oppe i 110 totalt. Tida denne gongen vart 2.51.14. Han var som vanleg utan reell konkurranse på distansen, men har eit stykke igjen før han når godt gammalt "Hafsås-nivå"

Laurdag vann Helge Hafsås Hitra maraton på tida 2.51.22. Dette er langt bak hans eigen løyperekord frå i fjor då han brukte 2.37.28 på distansen. Helge sleit med beina og treng nok lenger tid før han er tilbake i godt gammalt slag.

Det vart 4 medaljar til Olden då Fjellhug/Veride arrangerte KM i terrengløp i Åsen på Sandane på laurdag. Dessverre var det heller skralt med deltakinga i dei yngre klassane. I klasse 15 år var det berre to oldarar som stilte til start i den 1200m lange løypa. Sondre Guddal Muri vann 18. sek. føre Knut Alsaker. Terese Tenden sprang 900m og vann klasse 14 år. I veteran, 50-54 år, vart Einar Strand nr. 2

Se innbydinga!

Første løpet i Olden IL sin løpskarusell 2008 vart avvikla i joggeløypa ved Olden skule på måndag. 30 deltakarar frå 7 år og oppover stilte opp i det fine vårveret. Alle klassar sprang ei runde og vi fekk mange fine spurtoppgjer. Veteranen Joar Sunde greidde så vidt å halde unggutane bak seg og sette offisiell løyperekord med tida 1.18.7.

Resultater

Olden hadde største troppa med heile 22 delakarar då Strynehalleikane vart avvikla på laurdag. Alle gjorde ein flott innsats med gode plasseringar og mange personlege bestenoteringar. Fleire av desse deltok på eit større friidrettsstemne for første gong. I det heile teke viser stemnet at det er bra rekruttering til friidretten i Olden, men vi skulle gjerne hatt med fleire jenter i dei yngste årsklassane.

Olden IL og Oppstryn vil takke vår hovudsponsor Sparebanken, Sogn og Fjordane og  dessutan Olden Brevatn som sytte for gratis drikke til alle deltakarane. Vidare ei stor takk til alle funksjonærane som også i år sytte for eit vellukka arrangemnet.

Resultater

Olden IL fekk følgjande klassevinnarar :

J11 : Julie Beines : Kule

G10 : Jens Guddal Muri : høgde

G11 : Lars Marius Gjertsen Kveen : 40m, høgde og kule

G15 : Anders Muri : 40m og lengde

        Ole Myklebust : Kule

Elles fekk Olden også svært mange andre gode plasseringar i klassane 10-12 år. I klassane frå og med 13 år vart det 8 sølv- og 6 bronsemedaljar til oldarane.

 

Det var stor innsats og mange gode resultat då det andre lagsstemnet i friidrett vart avvikla i Olden skule måndag 31. mars. Alle aldersgrupper fekk prøve seg i kulestøt, medan dei eldste også fekk høve til å delta i stille lengde og stille tresteg. Også denne gongen vart det oppnådd fleire resultat på godt nasjonalt nivå.

Sjå resultatliste !

I stille tresteg kom både Sondre Guddal Muri og Anders Muri over 7m. Anders sitt lengste hopp målte 7.84. Dette er foreløpig det neste beste resultatet i Norge i år, 29 cm bak 1. plassen. Med 7.08 er Sondre nr. 5 på statistikken i denne øvinga.

Ole Myklebust forbetra seg kraftig i kule. Han støytte 4 kg-kula 10.80, noko som held til ei plassering blant dei 10 beste på norgesstatistikken. Erik Sunde (13) oppnådde 8.95 med 3kg-kule. Dette held til ein 13 plass på den nasjonale statistikken. Også 11-åringen Lars Marius Gjertsen Kveen viste god kuleform framfor Strynehalleikane på laurdag. Jentene som deltok viste og fin framgang både i hopp utan tilløp og i kule.

 

Helga Skarstein (13) representerte Olden og Sogn og Sogn og Fjordane på ein svært god måte  då landsfinalen i alpint vart arrangert på Kvitfjell sist helg. Beste plasseringa fekk ho i slalåm med ein 30. plass. Dette var beste plasseringa blant jentene frå Sogn og Fjordane i denne øvinga. I storslalåm oppnådde Helga ein 37. plass. Beste lokale plassering fekk Tomas Sårheim, Breimsbygda med ein 7. plass i storslalåm.

Noen resultater.

Helge Hafsås har slite med betennelse i beinmuskulaturen sidan 100km på Bergen Ultra 20. oktober. Laurdag var han tilbake igjen med ein ny siger i Bergen maraton. Med tida 2.49.43 var han vel 8 min. føre nr. 2 i løpet. Dette var Helge sin maratonsiger nr. 108. Vi håpar han no er kvitt skadeproblema og at han får trent skikkeleg fram mot NM i maraton på Jølster og det første offisielle NM på 100km til hausten.

Sjå elles reportasje og resultat på www.kondis.no

 

Helga og Rasmus Skarstein vann begge sine klassar i det avsluttannde storslalomrennet (finalen) i Fjord 1 cupen på Jølster 16.mars. Med dette gjekk dei og til topps samanlagt. Dei andre 5 deltakarane frå Olden gjorde det og bra i sine klassar.

Helga er og kvalifisert til landsfinalen for 13-åringar på Kvitfjell 28-30 mars. Her skal ho køyre slalåm, storslalåm og super G. Olden IL ynskjer Helga lukke til i den harde konkurransen på Kvitfjell. Totalt reiser 4 jenter og 4 gutar frå Sogn og Fjordane skikrins.

Resultater!

Tre gutar frå Olden fekk prøve seg i det nye innandørsanlegget for friidrett i Florø sist laurdag. I 11-årsklassa fekk Rasmus E. Skarstein 2. plass på 60m og 400m og 3. plass i lengde. 10-åringane Odd Sindre Tonning og Sondre Ljosdal Galtung deltok på 60m og i lengde og sette nye persar. Best plassering vart det i lengde med 5. og 7. plass.

Lagsmeisterskapen i friidrett innandørs vart avvikla i Olden skule sist måndag. Heile 39 utøvarar i alderen 7-50 år stilte opp i øvingane lengde u/tilløp, tresteg u/tilløp, høgde u/tilløp og kule. Det var ekstra gledeleg at det var veldig mange deltakarar i aldersgruppa 14-16år.

Resultater 

15-åringane Ole Myklebust og Anders Muri oppnådde dei aller beste resultata. Ole hoppa 1.28 i stille høgde. Dette er så langt det 3. beste resultatet i Norge i år. Med 1.25 gjekk Anders inn på 4. plass på Norgesstatistikken i denne øvinga. I stille tresteg hoppa Anders 7.46. Dette er det foreløpig beste resultatet i Norge i år. I lengde u/tilløp oppnådde han 2.59 som held til ein foreløpig 6. plass på norgesstatistikken. Elles vart det oppnådd mange fine resultat og sett mange personlege rekordar både blant jentene og gutane. P.g.a. tidsnød fekk vi ikkje avvikla kule for dei som er 12 år og eldre. Denne øvinga vil vi ta igjen ved eit seinare høve. Vi kjem tilbake med ei fullstendig resultatliste seinare.

Olden IL har inngått avtale med Trimtex om levering av friidrettsdrakter. Det er bestilt tights, singlet og t-skjorter i Olden-fargane blått og gult. Vi er lovde at draktene skal vere oss i hende i god nok tid før Oldestafetten 27. april. Vi vil kome tilbake med prisar seinare, men håpar at vi skal kunne selje dei for under halvparten av innkjøpsprisen.

Bilder av draktene

Det var god Olden-innsats då krinsmeisterskapen i slalåm og storslalåm vart avvikla på Utvikfjellet i helga. Søndag tok Rasmus Skarstein ein klar siger i 11-årsklassa i storslalåm, 2,48 sek. føre Sander Ness frå Sogndal. Laurdag fekk han 3. plass i slalåm.

Resultater KM Storslalom

Resultater KM Slalom

 

(Fant dessverre bare bilde fra lørdag) 

Helga Skarstein vart nr. 3 i begge disiplinar. Aller best gjekk det i storslalåm der ho kun mangla 1,05 sek. på å gå heilt til topps. I andre omgong hadde ho beste tid. Mathias Fjellestad (11) vart nr. 6 i slalåm og Anders Egset (12) nr. 13 i storslalåm. I klassa 8 år og yngre vart Jonas H. Drageset nr. 6 og Olav Egset nr. 7.

Fjelltrimsesongen 2008 er godt i gong. Trass i mykje dårleg ver er det gode besøkstal på mange av postane. Vi presenterer her status for besøkstala for nokre av postane og dei 3 som har flest turar til desse postane. Tala kan ikkje heilt samanliknast sidan bøkene vart bytte på ulike tidspunkt. Pr. 23/2 : Skarsteinsetra 549 (frå 7/10-07) : Birger Fagerli 91, Kjell Bjarne Sunde 82, Bente Ljosdal 50. Huaren 316 (frå 1/12-07) : Anne Berit Bjørdal 61, Kari Solheim 52, Arne Steinar Muri 52. Vanbergssetra 175 (frå 3/10-07) : Kjell Bjarne Sunde 52, Ola Vangberg 33, Birger Fagerli 31. Årsmelding! Dersom våren og sommaren slår til med godt ver, vil det bli arrangert fellesturar på setrar og einskilde fjelltoppar. Dette vil bli kunngjort ved oppslag i sentrum og på heimesida. Les meir om postar og poeng i 2008 :

Bøker ligg ute på følgjande setrar/stadar :

Agjeldssetra                       : 3 p.

Honnvasshytta                   : 5

Vanbergssetra (gamlesetra)  : 3

Nonshaugen (Vanberg)        :  3

Skarsteinsetra                   :  3

Huaren                             :  3

Avleisetra                         :  5

Murisetra                          :  6

Melheim/Solheimsetra          :  5

Laukisetra                         :  5

Sundssetra                        :  3

Sundsdalen (Myrane)           :  5

Yrisetra                             :  3

Høgalmesetra                      :  4

Kvamssetra                        :  5

Flatsteinbu                         :  7

Brenndalen                         :  3

 

Sist laurdag gjekk Helga Skarstein heilt til topps i klasse 12-13 år då KM i super G vart avvikla på Harpefossen. Ho vann føre to jenter frå Sogndal. Grunna dårlege vermeldingar for søndagen vart det køyrt to super G renn denne laurdagen. Helga vann også renn nr. 2 som var eit kvalifiseringsrenn. Olden IL gratulerer Helga med KM-tittelen. Broren Rasmus Skarstein vart nr. 2 i klasse 11 år i begge renna. I same klasse vart Mathias Fjellestad nr. 6 i KM-rennet. Alpingruppa i Olden IL har dei siste åra bygd opp eit nytt alpinmiljø i Olden. Olden IL har tradisjonar i alpint og det er kjekt å sjå at vi på nytt har fått utøvarar som kan hevde seg i denne idretten. Også fleire oldarar enn dei vi har nemnt frå renna på Harpefossen, har hevda seg fint i renn så langt denne sesongen.

9-12 år :    Måndagar 17.30-18.30 i gymsalen på Olden skule

13 år og oppover : 

Måndagar : 18.30-20.00  : 18.30-19.00 løpetrening ute. 19.00-20.00 i gymsalen, sirkeltrening, ballspel m.m

Laurdagar : 10.30-12.00 For dei som er 13 år og eldre. Hovudvekt på spenst- og hurtighetstrening + ballspel. Gymsalen Olden skule.

Treningane går som normalt også i vinterferien.

Strynehalleikane var terminfesta til 29 mars. P.g.a. NM i skiskyting, vert stemnet flytta til laurdag 5. april.

Dette er første gong ein utøvar frå Olden IL tek medalje i eit slikt meisterskap. Olden IL gratulerer Anders med medalja og dei andre flotte resultata under UM i Drammen. Vi vil på same tid gratulere faren, Halvard Muri, for flott oppfølgjing under UM og på andre friidrettsstemner.       Utøvarar frå Sogn og Fjordane tok 5 gull, 6 sølv og 4 bronse i meisterskapen. Inger Anne Frøysedal,tidlegare Oppstryn, no Tjalve tok heile 4 medaljar i klasse 18/19 år. Det vart gull i høgde og kule, sølv i lengde og tresteg.

Fram til 10. april står desse aktivitetane på programmet: ski, friidrett, klatring, handball, innebandy, balleik og kanopadling. Noko for ein kvar smak skulle vi tru.

 

Se oversikt!

I Drammenshallen i dag føremiddag tok Anders Muri sølv i lengde i ungdomsmeisterskapen. Det var kun 12 cm opp til gullmedalja.

Anders hoppa 5.64. Vinnaren Mathias Øverland, Vegårshei oppnådde 5,76. Anders hadde ein svært god serie og hoppa 5.64 to gongar.

På 100m vart det ikkje finaleplass denne gongen. Tida 12. 33 (pers.) i forsøket heldt til ein 8. plass. Det mangla 7/100 på å kome med i finalen som går seinare i dag. Vi kjem tilbake med meir stoff seinare.

Under første dag av ungdomsmeisterskapen i friidrett i Drammen vart det 4.plass på 60 m til Anders Muri. Med tida 7.64 hadde han nest beste tid i forsøket. I finalen pressa han seg ned til 7.62 som kun var 1/100 unna sølvmedalje. Denne vart nemleg delt av to løparar på tida 7.61. Gullet gjekk til Tapio Stensletten, Os Turnforening på 7.46. Uansett, fantastisk innsats av Anders, men sjølvsagt litt surt å mangle så lite på medalje. I morgon er det imidlertid nye sjansar på 100m og i lengde.

 

Så vidt vi veit er 7.62 den beste 60m-tida med elektronisk tidtaking oppnådd av ein oldar nokon gong. Dette gjeld uansett klasse.

Her er finaleresultata, klasse 15 år :

1. Tapio Stensletten, Os Turnforening      7.46

2. Markus Foss Johansen, Driv IL             7.61

3. Øystein Rødsjø,Selsbakk                     7.61

4. Anders Muri, Olden IL                         7.62

5. John Huse Olsen, GTI                         7.65

6. Chrsitian H. Ellingstad, Nesodden          7.65

7. Nirethan Panchalingam, Lørenskog         7.84

Fullstendige resultatlister kan ein finne på : www.ifhellas.no

 

Førstkomande helg skal Anders Muri delta på ungdomsmeisterskapen i friidrett i Drammenshallen. Her får han måle krefter mot norges aller beste sprintarar og lengdehopparar i klasse 15 år. På laurdag prøver han seg på 60m og på søndag vert det 100m og lengde. Eit blikk på startlistene viser at konkurransen vert knallhard. Målet for Anders må i første omgang vere å greie å kome med til finalane, men med full klaff kan og medalje vere innan rekkevidde. Frå Sogn og Fjordane er det påmeldt 18 utøvarar. Florø har den største troppen med 8 deltakarar. Sjå elles heimesida til friidrettskrinsen : www.sffik.no

 

Anders Muri (15) imponerte på YIT-leikane i Førdehuset søndag 20.januar. Han fekk bestemannspremien for beste guteresultat (13-18 år) både i løp (60m) og hopp (lengde). Anders ser dermed ut til å halde fram der han slapp i fjor. Han vann 3 øvingar, 60m, lengde og 400m. I lengde fekk han opp eit sprang på heile 5.85. På 60m vart tida 7.81 og på 400m 60.0. Alle resultata er personlege rekordar innandørs. Dette lovar bra framfor ungdomsmeisterskapen, 15-22 år, i Drammenshallen 1-3. feb. La oss håpe at Drammenshallen vert same lukke-arenaen for Anders som det har vore for det norske herre-landslaget i handball.

Det var få oldarar med denne gongen. I tillegg til Anders deltok Terese Auflem Tenden (14) i lengde og kule.

 

Hovedstyret:		Innv. År	Funksjon
Per Magne Muri		2009	Leiar
Hans Petter Galtung		2002	Nestleiar
Tove Kristin Vedlog		2012	Kasserar
Terese Sunde		2007	Sekretær
Geir Øyvind Vangberg		2012
Idrettsskulen:
Bente Kjørslevik		2010	Leiar
Else Fredheim		2010
Hege Gjerde		2011
Kjetil Hansen		2011
Fotballgruppa:
Bjarte Haugen		2006	Leiar
Andreas Drageset		2007
Anne Lise Solheim		2009
Anne Karin Melheim		2012
Odd Kjetil Tonning		2011
Ragnvald Flåten		2011
Friidrettsgruppa:
Hans Petter Galtung		2002	Leiar
Joar Sunde		2007
Sissel Kvamme		2008
Andre Opheim		2010
Leiv Arne Egset		2009
Skigruppa:
Hans Petter Galtung		1999	Leiar
Andreas Skogli		1995
Roar Alsaker		2003
Osvald Olsen		1999
Alpingruppa:
Pål Skarstein		2005	Leiar
Andreas Drageset		2011
Banenemd:
Birger Beinnes		2008	Leiar
Kjell Arne Løken		2008
Oldestafettnemd:		Innv. År	Funksjon
Anders Bruvoll		1995	Leiar
Jan Høgalmen		2009
Dagfinn Gytri		2000
Asbjørn Gjerde		2002
Arne Sandnes		2008
Idrettsmerkegruppa:
Bernt Bergesen		2007	Leiar
Arne Muri		2009
Rigmor Sunde		2006
Fjelltrimgruppa:
Anders Bruvoll		2003	Leiar
Asbjørn Gjerde		2004
Anne Berit Bjørdal		2007
Jon Olav Kvame		2007
Osvald Olsen		2011
Terje Sundsøy		2011
Valnemd:
Kari Tonning		2010	Leiar
Halvard Muri		2011
Joar Sunde		2012
Revisorar:
Oddbjørg Bø Muri		2002
Alvhild Flåten		2002

 31. januar 2012

Oversikt over tillitsvalde i laget for 2007 finner du her.

Tillitsvalde Olden Idrettslag 2007

Hovedstyret	Tlf priv.	mob.	arbeid	e-post	fax
Leiv Arne Egset, Leiar	57871314	97732331	57873510	leiv.arne.egset@enivest.net	57873516
Hans Petter Galtung, Nestleiar	57873050	41530792	57874900	hans.petter.galtung@sf-f.kommune.no	57874949
John Gunnar Mørch, kasserar		91325614		john_g_morch@yahoo.com
Ingrid Fjellestad		957 49 531		ifjellestad@hotmail.com
Liv Rygg		41500731
(ny person)
repr frå idrettsskule
Fotballgruppa
Bjarte Haugen	57873366	91103111		bjarte.haugen@enivest.net
Frode Myrold	57 87 16 11	915 96 228
Silje Opheim	911 14 246	948 72 922
Andreas Drageset	57 87 71 38
Per Briksdal	57 87 34 74
Inge Sandvik
Friidrettsgruppa
Hans Petter Galtung, leiar	57873050	97746787	57874900	hans.petter.galtung@sf-f.kommune.no	57874949
Sigrid Skarstein	57873179	98893424		sigrides@start.no
Joar Sunde	57 87 71 86	958 18 150
Sissel Kvamme
Idrettsskulen
Hilde Olsbø	57877846	90870461		hilde.olsbo@enivest.net
Rita Haugen		994 44 808
Mette Hansen	57 87 33 06	976 88 599
Randi Auflem
Alpingruppe
Pål Skarstein, leiar	57873179	41621190		paal@skarstein-walaker.no
Benny Fredheim		90996045
Idrettsmerkegruppe
Egil Solheim	57873359
Rigmor Sunde	57873260	97746552
Bernt Bergersen
	Tlf priv.	mob.	arbeid	e-post	fax
Ski/ Skiskyttargruppe
Hans Petter Galtung	57873050	97746787	57874900	hans.petter.galtung@sf-f.kommune.no	57874949
Roar Alsaker	57873219	90504719		r-alsak@frisurf.no
Osvald Olsen	57873463	92607374	57873470
Andre Opheim
Fjelltrimgruppe
Anders Bruvoll	57873445	99524511		bruvoll@stryn.no
Ola Vangberg	57873217	48117234
Ole Johan Haugland	57873493		57873928	ojhaugl@frisurf.no
Asbjørn Gjerde	57873017	91336863		agjerder@online.no
Ole Andre Kvamme		97007754
Anne Berit Bjørdal
Jon Olav Kvamme
Banenemd
Jostein Gjerde	57873441
Rasmus Bjarne Brynestad
Kjell Nesje
Oldestafettnemd
Anders Bruvoll, leiar	57873445	99524511		bruvoll@stryn.no
Andreas Skogli	57873190
Dagfinn Gytri	57875936			dgytri@online.no
Asbjørn Gjerde	57873017	91336863		agjerder@online.no
Arne Sandnes
Valnemd
Reidun Høgalmen
Ståle Solheim
Sageir Stokke
Revisorar
Oddbjørg Bø Muri	57873423	95744775	57876774	oddbjoerg@skogstadsport.no
Alvhild Flåten	57875949	91372629		geflaa@online.no