Sjølv om tida er langt bak hans eigen løyperekord, er det imponerande av Helge å springe ein maraton så pass raskt berre 18 dagar etter 24t.- løpet på Bislet.

Han har slete med etterverknadar etter dette løpet og det var lenge usikkert om han kunne stille i Ålesund. Men som vi alle veit, Helge er ein hardhaus og stilte likevel opp. Dermed avslutta han 2006-sesongen som han starta den i Bergen 28 januar, med siger på maraton.

Dette var Helge sin 14 maratonsiger i 2006. Han har dermed tangert sin eigen personlege rekord og noregsrekord frå i fjor i tal på maratonsigrar på eitt år.

Med dette forbetra han og sin eigen verdsrekord når det gjeld maratonsigrar totalt til 94.

Den sportsinteresserte oldaren, som allereie er klar for VM i skiskyting i Anterselva, dokumenterte solide kunnskapar om sport og hadde rett svar på alle dei 24 spørsmåla. Vi gratulerer !

Vi fekk inn få svar, men reknar med at mange fleire enn dei som svarte har hatt glede av å prøve seg på spørsmåla.

Fasiten kan du sjå her !

Vi presenterer her 2x12 spørsmål om sport. Svar kan senast på mail til hans.petter.galtung@sfj.no innan 27/12. Du kan laste ned spm.arka og svare på desse eller berre sende inn svara. Det vert inga premiering - kun heiderleg omtale. Fasit og dei beste reultata vil bli lagde ut på Olden IL si heimeside umiddelbart etter at fristen er gått ut. 1 poeng pr. rett svar, dvs at det kan oppnåast 24 poeng.

Dette er ein liten appetittvekkar på den store sportsquizen på Yris kafe i Olden 6. juledag. Dette er ein lagkonkurranse med 1-4 deltakarar på kvart lag.

Vanskegraden på quizen 6. dag vil til dels vere mindre enn på den quizen som her følgjer.        Lukke til !

Olden IL julequiz 2006  Del 1  -   12 rette på tippekupongen ?

Set kryss for rett svaralternativ !

(Spørsmålsstillaren tilhøyrer 1-X-2 – generasjonen. Eg har aldri vent meg til H-U-B.)

Olden IL jule-quiz   del 2 .   12 rette svar ?

Har du betalt medlemskontingenten din ?

Alle som er med og trener i idrettslagets grupper må betale medlemsskap til idrettslaget.

For medlemmene er dette viktig fordi medlemskapet inkluderer blant annet minimumsforsikringfor barn under 13 år igjennom Norges idrettsforbund.

Barn under 16 år  kr. 175,-
Støttemedlem      kr. 200,-
Vaksne 16 år +    kr. 300,-
Familie                kr. 450,-

Kontonummer til Olden idrettslag er: 3770.20.32211

Medlemer: Ola Vangberg, Anders Bruvoll, Asbjørn Gjerde, Geirmund Kvamme, Ole Andre Kvame og Egil Solheim.(leiar). Ved å gå gjennom bøkene frå ca. midten av november  2005 til ca midten av november 2006 har vi funne ut at der er 6110  registreringar.Talet i fjor (4648 ). På dei ulike postane har vi desse registreringane. Tala for fjoråret står i parantes.

Her kjem lista over dei som har samla flest poeng:

Olden IL 2007

Se resultater på: http://kondis.no/

Då Helge måtte kaste inn handkleet etter 401 rundar i den 545m lange løypa under tribunane på Bislet, leia han framleis løpet 13,6 km føre Ritella.

I etterkant er det nok litt surt for Helge å tenkje på at han kunne vunne løpet berre ved å spasere roleg dei siste 3t. og 20 min. 14,5 km på så lang tid er svært roleg tempo.

Hadde Helge visst dette på det tidspunktet han stod av, trur vi han ville kunne fullført trass i svært vonde og støle bein Men her nyttar det ikkje å vere etterpå klok. No rakk han i allefall ekspressbussen heim kl. 09.30 på søndag.

Som vanleg la Helge ut i eit morderisk tempo kl. 12.00 på laurdag. Det vart faktisk snakka om 3.45 fart, men sjølvsagt måtte han roe ned nokså fort. Uansett låg han ei god stund føre verdsrekorden og svært lenge langt føre norsk rekord.

Etter 12 t hadde han tilbakelagt heile 274 rundar og 149,3 km. Dette var 12,1 km lenger enn vinnaren av 12t.- løpet dansken Kim Rasmussen ,som sette dansk rekord.

Dessutan var det eit hav føre den norske rekorden i 12t.-løp. Dessverre kan ikkje Helge si passering godkjennast som norsk rekord sidan han deltok i 24t.-løpet.

Etter å ha sprunge i 15 1/2 time var avstanden til nr. 2  heile 31 km. Etter ca. 18 t. byrja Helge å få skikkeleg problem med beina og måtte legge inn stadig meir gåing, men hadde altså framleis ei klar leiing då han fann ut at nok fekk vere nok etter knappe 21 t.

Uansett om Helge ikkje samlar på 5. plassar, har han likevel levert ein stor prestasjon. 219 km er eit svært godt  resultat. Tek vi og i betraktning at førebuingane var minimale bl.a heilmaraton laurdagen før, lite oppladning, inga erfaring med slike distansar, ikkje noko støtteapparat på Bislet og den lange bussturen til Oslo natta før løpet - forstår vi at Helge sin prestasjon er imponerande.

69 menn og 11 kvinner deltok på 24t.-løpet. Beste kvinne vart Edit Berces frå Ungarn med gode 214,7 km.

Laurdag 2. des. vart det ein ny utklassings-siger på maraton til Helge Hafsås. I maratonkarusellen i Bergen var han med tida 2.33.34 heile 23 min. føre nestemann.

Dette var siger nr. 100 i maratonløp/ultraløp. Helge står no bokført med 93 1. plassar i maraton, 5 1. plassar i 63 km-løp og 2 topp-plasseringar i 100km-løp.

Sigeren i Bergen var den 13 på maraton denne sesongen. Vinn han også Nyttårsmaraton i Ålesund 29/12, vil han og tangere sin eigen rekord frå i fjor med 14 førsteplassar på maraton på eitt år.

Når vi først er inne på statistikk, vi lurer på om Helge i tillegg kan ha norgesrekorden (evt. verdsrekorden) i antal maratonløp under 2.40. Han har nemleg så langt sprunge under 2.40 heile 78 gongar. Reknar vi og med maratonpasseringane på ultraløp, vert talet 82. Av desse igjen har 39 av løpa gått unna på tider under 2.35. Helge har mange store prestasjonar bak seg, men 82 gongar under 2.40 er kanskje det som imponerer oss aller mest. Men vi veit at for Hafsåsen er det aldri snakk om å ta det med ro og berre sikre sigeren. Her er det full pinne uansett.

Vi får prøve å finne ut av dette ved eit seinare høve.

Oppdatert liste over alle maraton-/ultraløp-sigrane til Helge kan du finne i dokumentarkivet på heimesida.

35.500 til idrettslaget. "Ricco Vero- pokalen" til Anders Muri

Laurdag 18/11 avvikla Olden IL sin årlege idrettsbasar. Det var godt frammøte og god basarstemning i Aldaheim. Bruttoresultatet vart heile kr. 35.500.

Av dette kom det inn ca. 15.800 på loddbøkene og 19.700 på åresalet.

Olden IL vil takke bygdefolket for den gode støtta og spesielt takke basarkomiteen for eit godt gjennomført arrangement. Ei stor takk også til alle som har bidrege med gevinstar.

Den gode utviklinga i idrettslaget held fram og pengane kjem vel med. Dei vil først og fremst bli brukte til å skape aktivitet blant den yngre garde og til nødvendige innkjøp av utstyr til denne aktiviteten.

Eit av høgdepunkta på basaren var utdelinga av stimulanspokalen, "Ricco Vero- pokalen", til 13-åringen Anders Muri.

I grunngjevinga som Hans-Petter Galtung las opp på basaren heiter det m.a. :

Olden IL har fleire utøvarar som har hevda seg godt i 2006, i alpint, fotball og friidrett.Men blant dei yngre er det særleg ein utøvar som har utmerka seg spesielt.

Under Regionsleikane i Haugesund, i konkurranse med dei beste friidrettsutøvarane frå Vestlandet og Sørlandet oppnådde Anders sølv på 60m og i lengde, og bronse på stafetten.

Han tok 3 gull under KM for Sogn og Fjordane i Florø : 60m, lengde og 4x60m stafett.

Under Sparebankleikane på Byrkjelo vart det siger både i lengde og på 60m.

Vidare vart det 4 gull i DM for Nordfjord på Byrkjelo : 60m, lengde, 600m og 4x60m stafett. I tillegg sølv i høgde.

Anders er faktisk ein av Norges beste friidrettsutøvarar i si klasse. På Norgesstatistikken for 2006 er han nr. 5 i lengde med resultatet 5.15 m.

På 60 m er han nr 7 med 8.25. Med manuell tidtaking er han på 60m nr. 2 i Norge med 7.8.

Han har vidare beste resuilatet i Sogn og Fjordane i 2006 i 3 øvingar : 60m, lengde og 200m

Anders har og vore ein sentral spelar på Loen/Olden sitt gode smågutelag i fotball.

Han har hatt svært godt treningsframmøte og vore flink til å stille opp på ulike arrangement i regi av Olden IL.

Han har vist svært gode haldningar til idretten.

Olden IL gratulerer med ei vel fortent utmerking og håpar at denne tildelinga skal vere ein stimulans til vidare satsing på idretten.

Helge Hafsås tok sin 12 maratonsiger for året og den 92. totalt då han gjekk til topps på Jessheim vintermaraton søndag 19 november.

Olden IL gratulerer Helge med nok ein maratonsiger.

I tillegg til dei 92 førsteplassane på maratondistansen har Helge også vunne 7 ultraløp over distansane 63 km og 100 km. Dette betyr at han pr. 19/11-06 er oppe i fantastiske 99 sigrar i slike lange løp. Helge har dermed sjansen til å innkassere siger nr. 100 i løpet av 2006. Dette kan skje i Bergen 3 des. eller i Ålesund 29. des.

Se resultatlisten!

Bilder

5 runde i løpskarusellen Sunnfjord/Ytre Sogn vart avvikla i Naustdal søndag 12 nov.

Helge fekk tida 17,13 i det 5,2 km lange løpet og var med det 1 min. og 20 sek. føre Odd Rognebakke frå arrangørklubben Tambarskjelvar.

Komande søndag skal Helge prøve seg på Jessheim Vintermaraton for første gong.

Sjølv er han ikkje fornøgd med forma for tida, men vi får sjå om ikkje det går betre når startnummeret kjem på.

Helge har elles planar om ytterlegare to maratonløp i 2006, Bergen 3 des. og Ålesund Nyttårsmaraton 28 des.

Resultat 

Fredag 3 nov. vert det avslutningsfest for fotball- og friidrettsgruppa i Aldaheim.

Alle som har delteke på fotball eller friidrett eller begge deler i 2006 er inviterte.

Fredag 3 nov. vert det avslutningsfest for fotball- og friidrettsgruppa i Aldaheim.

Alle som har delteke på fotball eller friidrett eller begge deler i 2006 er inviterte.

For fotball omfattar dette alle som har vore med på miniturneringar eller spelt i serien.

13 og 14 åringane som har spelt for Loen/Olden er sjølvsagt også inviterte.

For friidrett gjeld det alle som har delteke på trening/konkurransar dette året.

I år deler vi festen i to :   18.00 - 20.00   1-4 klasse

                                   19.30 - 22.00   5 klasse og oppover

                                   Det vert felles måltid for alle kl. 19.30 - 20.00

Av innhaldet elles kan vi nemne premieutdeling for fotball og friidrett.

I friidrett vert det premieutdeling for løpskarusellen og for dei to lagsmeisterskapa som er avvikla. Det er nok å ha vore med på eitt av arrangementa for å få premie.

Vert avvikla i Aldaheim laurdag 18 nov. kl. 14.00

Set av denne laurdags-ettermiddagen allereie no og ver med å støtt Olden IL.

Denne gongen galdt det 4. runde i  løpskarusellen Sunnfjord/Ytre Sogn.

I det 9 km lange løpet var Helge 2,26 min. føre nestemann, Odd Rognebakke frå Tambarskjelvar.

Han brukte 20.34 på dei 420 høgdemeterane og var med det 1 min. og 18 sek. føre nestemann. Det knappe 4 km lange løpet gjekk for det meste på grusveg og passa derfor Helge betre enn ein del av dei andre etter kvart så talrike motbakkeløpa

rundt omkring i landet.

Forrige helg var det Florømila det galdt. Helge si vinnartid her, 34.29, var ca. 1 min raskare enn vinnartida hans frå i fjor.

Fem frå Olden deltok på regionsleikane  på Sandane søndag 1 oktober. Dei fem som hadde ein fin friidrettsdag på Sandane var Anders Egset, Are Tenden, Erik Sunde, Nils Rytterager og Sondre L. Galtung. Alle gjorde ein fin innsats i øvingane 60m, lengde, liten ball og stafett.

Resultata.

Sjå bilete !

Denne gongen galdt det Nordstrandløpet i Gloppen laurdag 23 sept. Vinnartida vart 21.12 noko som er 33 sek svakare enn fjorårsresultatet.

Einar Strand vart nr. 2 i klasse 50-54 år

Dette var sjette og siste løpet i Nordfjordkarusellen. Helge Hafsås vart her samanlagtvinnar for 15 året på rad !. Han har vunne alle dei 3 løpa han har delteke i.

Einar Strand, som har heile 10 samanlagtsigrar frå før, måtte i år nøye seg med 2 plass i klasse 50-54 år. Han har delteke på 5 av dei 6 løpa.

8 gull og totalt 20 medaljar under DM i friidrett for Nordfjord

Resultater

Bilder

Olden IL var representert med heile 15 utøvarar under DM og krinsleikar i friidrett på Byrkjelo stadion laurdag 23 sept. Dei 9 deltakarane i DM kunne innkassere heile 8 gullmedaljar og totalt 20 medaljar. Vi trur at dette må vere den beste Olden-innsatsen på eit DM gjennom tidene og altså endå betre enn DM i 2004 då Olden tok 17 medaljar derav 2 gull.

Her kjem medaljelista :

Anders Muri (13) : Gull : 60m, 600m og lengde. Sølv i høgde.

Dag Asle Mykløen (14) : Gull 60m og lengde. Sølv i kule

Andrea Guddal Muri (11) : Gull i kule. Sølv i høgde

Asgeir Flåten (11) : Gull på 600m

Gull vart det også på 4 x 60m stafett. Med på vinnarlaget var : Dag Asle Mykløen, Sondre Guddal Muri, Nils Rytterager og Anders Muri. Men denne gongen vart Svelgen (DM for Sunnfjord) for sterke. Anders Muri stod for ei fantastisk opphenting på sisteetappen, men kom 1/100 sek. for seint.

Sondre Guddal Muri (13) : Sølv i kule og spyd. Bronse på 60m

Helga Skarstein ( 11) : Sølv i lengde og bronse i høgde.

Nils Rytterager (11) : Sølv på 60m og liten ball. Bronse i lengde.

Erik Sunde (11) : Bronse i kule

Dei som var 9 og 10 år deltok på krinsleikar i øvingane 60m, lengde og liten ball. Her deltok ti-åringane Anders Egset og Are Tenden. I klasse 9 år var desse med : Andreas Løken, Lars Marius Kveen Gjertsen, Rasmus Skarstein og Jonas Eide. Også desse oppnådde mange gode resultat.

Vi kjem tilbake med bilete seinare.

Vi minner elles om påmeldingsfristen for Prix Regionsleikar på Sandane 1/10. Fristen er 27/9.

Onsdag 20/9 vart sesongens siste friidrettstrening gjennomført ved Olden skule.

Heile 19 stilte opp. Så mange har vi aldri hatt på friidrettstrening i haustsesongen.

På programmet stod m.a. eit såkalla 0-løp. Her galdt det å springe to rundar i joggeløypa med så liten tidsdifferanse på rundane som mogleg. Vinnarar vart Jenny Vangberg Solstad (9) og Andrea Guddal Muri(11) som begge presterte å springe dei to rundane nøyaktig like fort. På dei neste plassane følgde Rasmus Skarstein (9) med ein differanse på 4 sek og Asgeir Flåten (11) med 5 sek. differanse.

Heile 15 unge frå Olden i alderen 9-14 år er påmelde til friidrettsstemnet på Byrkjelo laurdag 23 sept. 9 av desse konkurrerer i Distriktsmeisterskapen for Nordfjord, medan dei yngste (9-10år) deltek i krinsleikane som avgrensar seg til øvingane 60m, lengde og liten ball.

Stemnestart kl. 12.00. Avreise frå Ica kl. 10.30.

Oldarane står for heile 51 enkeltstartar så her trengst det oppfølgjing både av leiarar og foreldre.

Helge gjekk laurdag til topps i  eit maratonløp for 3 helga på rad.

Denne gongen galdt det Stemshaug maraton på Aure på Nordmøre.

Tida vart 2.36.53. Dette er eit stykke bak hans eigen løyperekord, men likevel ei imponerande tid når ein tek i betraktning at dette var hans tredje maraton i løpet av berre 15 dagar.

Datoen er no endeleg fastsett til søndag 1 okt. kl. 13.00

Stemnet er eigentleg for aldersgruppa 9-12 år, men 8-åringar

(f.1998) kan og få vere med. Påmelding til Hans-Petter seinast onsdag 27/9. Sjå innbyding !

Dette betyr at det for aldersgruppa 9-12 år gjenstår to stemner ; Byrkjelo laurdag 23/9 eller Sandane søndag 1/10. Det går sjølvsagt å delta på begge stemna.

Se invitasjon.

Laurdag 16 sept. vart Olden-meisterskapen i friidrett avvikla på Byrkjelo stadion. I det fantastiske haustveret vart det oppnådd mange fine resultat. Nytt av året var at nokre fekk prøve seg på 60m hekk. Sjølv om det vart meir hekkehopping enn hekkeløping, var resultata upåklagelege.

Elles vart det konkurrert i 60m, 600m, lengde, høgde, spyd, liten ball og kule.

Det var noko skuffande at berre 12 utøvarar stilte til start, men dei som var med såg ut til å kose seg. Ei stor takk til funksjonærane som sytte for eit prikkfritt arrangement : Sigrid Skarstein, Gro Birgit Egset, Oddbjørg Muri, Ole Johan Haugland, Roar Alsaker, John Guunar Mørch og Trygve Rytterager.

Ei stor takk også til Breimbygda IL som stilte anlegg og utstyr gratis til disposisjon.

Sjå resultat !

Helge Hafsås til topps i Trondheim Maraton

Anders Muri med to sølv under Regionsleikane i Haugesund

Helge Hafsås til topps i Trondheim Maraton

Dette var Helge sin sjette siger på rad i det tradisjonsrike maratonløpet i Trondheim.Som vanleg var han heilt suveren. Med tida 2.30.50 sletta han sin eigen løyperekord frå i fjor med 1.42 min. Dette var hans 10 maratonsiger denne sesongen. Han har no totalt vunne 90 maratonløp! 

Helge sin 6 siger på rad og ny løyperekord i Trondheim maraton.

 

 

 

 

 

 

 

 

 

 

 

 

 

 

 

 

 

 

 

Trondheim maraton 2006. Helge i tet frå start til mål.

Anders Muri med to sølv under Regionsleikane i Haugesund  

Under krinskampen mellom Sogn og Fjordane, Hordaland, Rogaland og Agder-fylka i Haugesund var Olden representert ved Anders Muri og Sondre Guddal Muri.

I den harde konkurransen oppnådde Anders 2. plass både i lengde og på 60m. I lengde passerte han 5 m for tredje gong i år. Det lengste spranget målte 5,01.

På 60m sette han ny pers. i forsøket med 7,8 (manuell tid) . I finalen vart tida 8,00 (elektronisk). Dette var kun 9/100 bak vinnaren Mathias Øverland frå Vegårdshei (Aust-Agder). Anders var og med å sikre 1. laget til Sogn og Fjordane bronsemedalje på stafetten.

Vidare debuterte han på 200m. Tida vart 27,77, som heldt til ein fin 6 plass.

Sondre Guddal Muri deltok i kule og spyd. I spyd oppnådde han ein flott 6 plass. Resultatet 37,60 er ny personleg rekord og berre vel 2 m frå bronseplassen. Pers. vart det og på Sondre i kule med resultatet 9,29.

Resultater fra helgens stevne finner du her